ABŞ-da koronavirus (Kovid-19) epidemiyasına yoluxanların sayı 82 min 179 nəfərə çatıb.

Bununla da ABŞ koronavirusa yoluxanların sayına görə Çin və İtaliyanı geridə qoyub. Bildirilir ki, ölkədə son 6 saat ərzində virusa yoluxanların sayı 12 min 982 nəfər artaraq 82 min 179-a, ölü sayı isə 131 nəfər artaraq 1177 nəfərə çatıb.

Dünən ABŞ-da koronavirusa yoluxanların sayı 55 min 238, ölü sayı isə 802 nəfər olaraq qeyd edilib. ABŞ virusa yoluxan 82 min 179 nəfərlə ilk sırada, Çin 81 min 285 nəfərlə ikinci, İtaliya isə 80 min 589 nəfərlə üçüncü yerdədir.

Nyu-York virusa yoluxan 37 min 738 və ölü sayı 385 nəfərlə koronavirusun ən çox tüğyan etdiyi şəhər sayılır.