“Aparıcı vətənpərvər olmalıdır, əgər o, vətənpərvər deyilsə, onun efirdəki fəaliyyəti xeyir yox, ziyan gətirə bilər”

Bunu açıqlamasında şoumen, aparıcı Kamran Həsənli deyib. O, peşəkar aparıcı olmaq üçün insandan ilk öncə intellekt tələb olunduğunu bildirib:

“Peşəkar aprıcı olmaq üçün ilk növbədə insanın intellekti olmalıdır. Bununla yanaşı, dil biliyi və görünüş də böyük rol oynayır. Aparıcı həm də vətənpərvər olmalıdır, əgər o, vətənpərvər deyilsə, onun efirdəki fəaliyyəti xeyir yox, ziyan gətirə bilər. Həm də onun kifayət qədər söz bazası olmalıdır. Elə adam var ki, mütaliəsi var, amma intellekti yoxdur. Mən iyirmi ildir efirdəyəm. Siz son on ildə elə bir peşəkar aparıcı tanıyırsınızmı? Ona görə də peşəkar aparıcılarımız nə artmaqda, nə də azalmaqdadır, ümumiyyətlə yoxdur”.