Karantin rejimi ilə əlaqədar dünyada spirtli içki içən insanların sayı artıb.

Bu barədə “MedicalXpress” amerikalı həkimlərə istinadla xəbər yayıb.

Məlumata görə, mart ayının sonundan ABŞ-da spirtli içkilərin satışı 54 faiz artıb.

Buna səbəb kimi insanların özləri və yaxınlarının səhhətindən narahat olmaları və rahatlamaq üçün çarəni spirtli içkilərdə görməsi göstərilib.

Özünütəcrid rejimində insanlar tənhalıq hiss edə, darıxa bilərlər ki, bu da alkoqol istehlakına təhrik edir.

Bildirilir ki, spirtli içkilərin həddən artıq istehlakı qaraciyər xəstəlikləri, süd vəzisi xərçəngi riskini artırır, piylənməyə, ürək-damar xəstəliklərinə, depressiyaya, insulta, ürək tutmalarına gətirib çıxara bilər.