Beyləqanda kişi meyiti tapılıb.

GununNebzi.az qafqazinfo -ya istinadən xəbər verir ki, hadisə rayonun Bolsulu qəsəbəsində baş verib.

Onun meyiti qəsəbədəki yardımçı tikilidən ciddi çürüməyə məruz qalmış və asılı vəziyyətdə tapılıb.

Aparılan araşdırmalar zamanı meyitin rayonun Kəbirli kənd sakini olan 1983-cü il təvəllüdlü Həsən Qənbərliyə məxsus olduğu müəyyənləşib.

Məlum olub ki, H.Qənbərlinin müxtəlif şəxslərə külli miqdarda borcu olub. Bu səbəbdən də Bolsulu qəsəbəsinə gedərək həyatına son qoyub.

Faktla bağlı Beyləqan Rayon Prokurorluğunda araşdırma aparılır.