İkinci Qarabağ Müharibəsində iştirak edən hərbçilər haqqında nə qədər danışılsa da, bu qəhrəmanlıq dastanı bitməz. Hər biri ayrı dastan, hər biri ayrı qəhrəmandır. Onların cəsarəti, şücaəti 10 milyonluq xalqın 30 ilə yaxın torpaq həsrətinə son verdi.

GununNebzi.az xəbər verir ki, Vətən müharibəsində ölkəmizin ərazilərinin azad edilməsi uğrunda döyüş əməliyyatlarında iştirak edərək şəxsi igidliyi və şücaəti ilə seçilən, buna görə də Prezident İlham Əliyevin Sərəncamları ilə medallarla təltif olunanlar arasında leytenant Əliqismət Əsədov da vardı. O dövlət başçısının Sərəncamı ilə “Füzulinin azad olunmasına görə” medalına layiq görülüb.

Əliqismət ehtiyatda olan zabit kimi müharibənin ilk günlərindən səfərbərlik çərçivəsində ordu sıralarına qatılıb. leytenant kimi Silahlı Qüvvələrin döyüş əməliyyatlarında iştirak edib.

səfərbərlik əsasında İkinci Qarabağ müharibəsində iştirak edərək, möhtəşəm Zəfərimizin qazanılmasına, şanlı tariximizin yazılmasına şərəflə öz töhfəsini verib. Hazırda Xocavənd ətrafında postlarda döyüş mövqelərində keşik çəkir.

Qələbəmizin qəhrəmanları ilə fəxr edirik!