Azərbaycanlı aktivistlər və ekologiya üzrə qeyri-hökumət təşkilatlarının nümayəndələrinin Şuşa ərazisində Rusiya sülhməramlılarının nəzarətində olan yolun bir hissəsində keçirdiyi aksiya davam edir.

GununNebzi.az xəbər verir ki, aksiya iştirakçıları tələbləri yerinə yetirilməyənə, yəni Rusiya sülhməramlı qüvvələrinin komandanı general-mayor Andrey Volkov əraziyə gəlməyənə qədər etirazlarını davam etdirəcəklərini bildirirlər.

Səhər saatlarından etibarən ərazidə üç çadır quraşdırılmışdı. Artıq “Azərişıq” ASC-nin əməkdaşları tərəfindən həmin çadırlara elektrik enerjisinin verilişi təmin edilib. Bundan əlavə, “Azərişıq” ASC-nin əməkdaşları tərəfindən sülhməramlıların nəzarətində olan yolun hissəsində Azərbaycan bayrağı qaldırılıb.