İngiltərənin Oksford Universiteti tərəfindən 3 aydır hazırlanan potensial koronavirus peyvəndinin sınaqları 2 könüllü şəxslə başlayıb. Bunlardan birinə potensial "Covid-19" peyvəndi, digərinə isə nəzarət məqsədli peyvənd vurulub. 800-dən çox insanın qatıldığı çalışmada könüllülər özlərinə hansı peyvəndin vurulduğunu bilməyəcək, bu məlumatı sadəcə aradakı fərqi araşdıracaq həkimlər biləcək.

gununnebzi.az xəbər verir ki, araşdırmaya rəhbərlik edən peyvənd mütəxəssisi professor Sarah Cilbert potensial peyvəndə böyük ümidlərinin olduğunu qeyd edib:
"Bunu sınaqdan keçirməli və insanlara təsirinə baxaraq bilgi almalıyıq. Peyvəndi kütləvi şəkildə istifadəyə buraxmadan əvvəl işə yaradığından əmin olmalıyıq".

Professor daha əvvəl verdiyi açıqlamada peyvəndin uğurlu olacağından 80% əmin olduğunu bildirmişdi.


Mənbə: Haberler.com