gununnebzi.az Dünyanın ən məşhur opera səhnələrindən biri sayılan Argentinanın əfsanəvi “Kolon” teatrı da koronavirusa qarşı mübarizəyə qoşulmağa qərar verib və tamaşa qoymaq əvəzinə qoruyucu maskalar istehsal etməyə başlayıb. Bu barədə “Reuters” məlumat verir.

Bildirilir ki, teatrda 50-dən artıq könüllü işləyir. Onlar artistlərə və rejissorlara rekvizitlərin hazırlanmasında və səhnənin tərtibatında kömək edirlər. İndi isə könüllülər üzərində teatrın loqotipi olan qoruyucu maskaları tikməyə cəlb olunublar. Qeyd edilir ki, teatrda hər həftə 1500 maska hazırlanır.

Argetinada karantin rejimi martın 20-dən tətbiq olunur. Ümumilikdə, ölkədə koronavirusa 3 000-dən artıq yoluxma halı qeydə alınıb, 167 nəfər dünyasını dəyişib.