İngiltərədə son sutka ərzində 121 nəfər ölüb.
Bu barədə Səhiyyə Nazirliyi məlumat yayıb. Açıqlamaya görə, yoluxanların sayında isə 1625 artım müşahidə edilib. Beləliklə, bugünədək İngiltərədə 261 min 184 nəfərdə virus aşkarlanıb, 35 min 914 nəfər isə vəfat edib.

Bildirək ki, son 24 saatda 73 mindən çox test edilib. Ümumi test sayı isə 3 milyon 500 minə çatıb.

Qeyd edək ki, Baş nazir Boris Conson bazar və avtogalereyaların iyunun 1-dən açılacağını vurğulayıb. Nazir 15 iyundan etibarən isə pərakəndə satış mağazalarının fəaliyyətə başlaya biləcəyini diqqət çatdırıb.

Xatırladaq ki, Conson tərəfindən daha əvvəl iyunun 1-dən məktəblərin də açılacağı bildirilib.