Braziliyanın birinci xanımı Mişel Bolsonaru koronavirusdan müalicə olunaraq sağalıb.
Bunu xanım Bolsonaru özünün “Instagram” səhifəsində bildirib.
“Test nəticəsi mənfidir. Dualarınıza və diqqətinizə görə minnətdaram”, - deyə onun paylaşımında yazılıb.
Braziliyalı prezidentin xanımı öz paylaşımında koronavirus üçün verdiyi testin nəticələrini əks etdirən fotoşəkil də yerləşdirib.
Qeyd edək ki, Braziliya prezidenti Jair Bolsonaruda COVID-19 virusu aşkar olunduqdan bir qədər sonra, yəni iyulun sonlarında dövlət başçısının mətbuat xidməti 38 yaşlı birinci xanımın da koronavirusa yoluxması barədə məlumat yayıb.