Qazaxıstan Prezidenti Kasım-Jomart Tokayevin kortejinin marşrutunda silah-sursat anbarı aşkarlanıb.

GununNebzi.az-ın qafqazinfo -ya istinadən məlumatına görə, bu haqda ölkənin Daxili İşlər Nazirliyi məlumat yayıb.

Bildirilib ki, Türküstan vilayətində Milli Təhlükəsizlik Komitəsinin əməkdaşlar atıcı silah anbarı aşkar ediblər.

Hazırda bütün halların müəyyən edilməsi və şübhəli şəxslərin müəyyən olunması istiqamətində zəruri əməliyyat-axtarış və istintaq tədbirləri həyata keçirilir.

Bunun ölkə başçısına qarşı sui-qəsd cəhdi ilə bağlı ola biləcəyi bildirilir. Digər məlumatlar istintaqın maraqları baxımından açıqlanmır.

Faktla bağlı cinayət işi başlanıb.