Azərbaycanda mülki əhalini raket atəşinə tutan ermənilər əhali arasında təşviş yaratmaq üçün müxtəlif telefon nömrələrindən vətəndaşlarımıza mesajlar göndərirlər.

gununnebzi.az xəbər verir ki, bu gün Tovuz rayon sakinlərinə növbəti mesaj daxil olub. Həmin SMS-də aşağıdakı məzmunda mətn yer alıb:

“Ermənistan Silahlı qüvvələri Tovuz rayonuna hücuma keçəcək. Təhlükəsizliyiniz üçün rayonu müvəqqəti tərk etməyə çağırırıq. Fövqəladə Hallar Nazirliyi”.

Bildirək ki, müharibə başlayandan dəfələrlə bu tipli təxribat mesajları yayılıb. Sakinləri bu tipli SMS-lərə aldanmamağa çağırırıq, bunların göndərilməsində əsas məqsəd əhali arasında təşviş yaratmaqdır. Sakinlərdən yalnız diqqətli olmaq və bu SMS-ləri yaymamaq xahiş olunur. (oxu.az)