28 dekabr axşamı kəskin allergik reaksiyalı 48 yaşlı bir kişi Qüdsdəki təcili yardım məntəqəsinə müraciət edib.

gununnebziaz İsrail mediasına istinadla xəbər verir ki, "Kan" media korporasiyasının xəbər xidmətinin verdiyi məlumata görə, kişi koronavirusa qarşı peyvənd olunduqdan təxminən bir saat sonra tibbi yardım tələb edib.

Pasientin sözlərinə görə, keçmişdə bədəni pensilin inyeksiyasına qarşı da bənzər bir reaksiya göstərib.

Kişiyə ilkin tibbi yardım göstərilib, vəziyyəti stabil qiymətləndirilir.

Qeyd edilir ki, İsraildə artıq 500 mindən çox vətəndaş koronavirus əleyhinə aşılanıb. Mediada peyvəndə qarşı allergik reaksiya barədə ilk dəfə xəbər verilir.