Bakı gəmiqayırma zavodunda istehsal edilmiş “Laçın” gəmisi planetin ən yaxşı texniki göstəricilərə malik ticari gəmilərinin yer aldığı “Significant Ship 2019 TOP50” siyahısında yer alıb.

gununnebzi.az-a bu barədə Metbuat.az Ukraynanın Azərbaycandakı səfirliyinə istinadən xəbər verir ki, “Laçın” tankeri Britaniya Kral Dəniz Mühəndisləri Cəmiyyətinin (Royal Institution of Naval Architects, RINA) versiyasına görə, 2019-cu ildə dünyanın ən yaxşı 50 mülki gəmisi sırasına daxil olub.
“Laçın” gəmisi “Azərbaycan Xəzər Dəniz Gəmiçiliyi” QSC-nin sifarişi ilə Bakıda inşa edilib. İnşasına 2017-ci il fevralın 9-da başlanılıb və artıq iki il sonra gəmi istismara hazır olub. Tankerin uzunluğu 141 m, eni 16,98 m, su çəkimi 4,54 m/3,6 m təşkil edir.


Qeyd edək ki, 1860-cı ildə əsası qoyulmuş RİNA gəmi dizaynı sahəsində araşdırmalar aparır və institutun 90-dan çox ölkədə nümayəndəsi var.