gununnebzi.az “Üç min erməni soysuzların qabağında 50 nəfər azərbaycanlı dayanırsa...”
“Azərbaycandan 2-3 yaşında gedən xaricdə yaşayan azərbaycanlı balası qanlar içində döyülür və yenə də deyir ki, vətənim üçün ölməyə hazıram”
Bunu açıqlamasında Xalq artisti Gülyaz Məmmədova deyib. G.Məmmədova erməni vəhşiliklərini pislədiyini bildirib:
“Təbii ki, soydaşlarımıza qarşı ermənilərin təxribat törətməsi hamımıza pis təsir edir. Dünyanın hər bir ölkəsində bizim soydaşlarımız yaşayır. Vətən cəmiyyətləri, səfirliklərimiz var. Bizdən nə qədər uzaq olsalar da, onlar vətən həsrətli yaralı Qarabağımızı unutmurlar. Üç min erməni soysuzların qabağında 50 nəfər azərbaycanlı dayanırsa, hər bir ölkədə əllərində Azərbaycan bayrağı ilə Qarabağ bizimdir deyib qürur hissiylə əziz Azərbaycanımız, biz hər zaman döyüşə hazırıq deyirlərsə, bu qürurvericidir.
Azərbaycandan 2-3 yaşında gedən xaricdə yaşayan azərbaycanlı balası qanlar içində döyülür və yenə də deyir ki, vətənim üçün ölməyə hazıram. Bütün bunlar qürurvericidir. Amma erməni vəhşilərinin təcavüzləri, vəhşilikləri, bayrağımızı tapdalayıb onlara məxsus olmayanı bizimdir demələri hamımızın ürəyini parçalayır. İnşallah şəhidlərimizin qanı yerdə qalmayacaq, qisas günü uzaqda deyil, biz inanırıq ki, onlar torpaqlarımızdan qovulacaq və qisas da alınacaq”.