Rusiya Müdafiə Nazirliyi Xüsusi Təyinatlı Tibbi Birliyin(XTTB) bölmələri Azərbaycanın Xankəndi şəhərində səhra hospitalı qurub.

gununnebzi.az xəbər verir ki, bu haqda məlumatı səhər saatlarında Rusiya MN-in rəsmi saytı yayıb.

Hərbi xəstəxana modulları Xankəndindəki hava limanının ərazisində yerləşdirilib. Pnevmatik karkas modullarının yerləşdirilməsi artıq başa çatıb. Xüsusi Təyinatlı Tibbi Birliyin mütəxəssisləri sülhməramlı kontingent üçün tibbi dəstək təşkil edəcək və Qarabağdakı erməni əhalisinə lazımi tibbi yardım göstərəcəklər. Tibbi qrup öz fondlarına 40 nəfərə qədər xəstə yerləşdirməyə hazırdır.

Hərbi cərrahlar, anestezioloq-reanimatoloqlar, terapevtlər və epidemioloqlar daxil olmaqla XTTB-nin birinci bölməsində 60-dan çox tibb mütəxəssisi gəlib. Həkimlər, orta və kiçik tibb işçiləri ilk tibbi, ixtisaslı və ixtisaslaşmış tibbi yardım göstərməyə daim hazırdırlar. Xüsusi sahə xəstəxanasında keyfiyyətli tibbi yardım göstərmək üçün bütün lazımi tibbi avadanlıqlar olacaqdır.

Bundan əvvəl hərbi həkimlər Xabarovsk şəhərinin aerodromlarından İrəvana “İl-76” hərbi nəqliyyat təyyarələri tərəfindən daşınıb. Ümumilikdə, Rusiya Şərqi Hərbi Dairəsinin xüsusi təyinatlı tibbi hissəsini yerləşdirmək üçün Qarabağa 122 hərbçi, 54 ədəd avtomobil və xüsusi texnika, 66 ton material köçürüləcək.