Türkiyə Milli Müdafiə naziri Hulusu Akar Qarabağda yaradılacaq Ortaq Mərkəzlə bağlı növbəti açıqlama verib.

GununNebzi.az “Haber Global”-a istinadən xəbər verir ki, türkiyəli nazir sülhməramlıların fəaliyyətinə nəzarət edəcək Ortaq Mərkəzdə tikinti işlərinin hazırda davam etdiyini deyib:
“Ortaq Mərkəz barədə bir razılıq əldə edildi. Tikinti hazırda davam edir. Mərkəzdə 1 general və 35 zabitimiz olacaq”.

H. Akar digər sahələrdə də Azərbaycana yardımlarını davam etdirəcəklərini və bundan sonra da dəstəklərini əsirgəməyəcəklərini vurğulayıb.: “Onlar həm təlim keçirlər, həm də iki xüsusi mina axtarış qrupu (ÖMAT) ərazini minalardan təmizləyir.”