“Azərbaycan bütün dövrlərdə əldə etdiyi uğurlar ölkəmizi sevməyən, erməni lobbisinin təsiri altında olan düşmən qüvvələri narahat edib və bu gün də etməkdədir. Biz bunun hətta pandemiya dövründə də şahidi olduq. Pandemiyanın yayıldığı ilk anlardan Azərbaycan Prezidentinin həyata keçirdiyi uzaqgörən, məqsədyönlü, təxirəsalınmaz tədbrilər nəticəsində pandemiya nəinki ölkəmizdə nəzarət altına alındı. Hətta bu bəlaya qarşı beynəlxalq həmrəyliyin yaradılaraq, birgə əməkdaşlıq istiqamətində ciddi addımlar atıldı. Türk Şurasının, Qoşulmama Hərəkatına üzv ölkələrin dövlət başçılarının Zirvə görüşünü keçirməsi, müxtəlif ölkələrə göstərdiyi yardımları buna misal kimi çəkə bilərik. Azərbaycan təcrübəsi beynəlxalq praktikada tətbiq edilməyə başladı. Azərbaycanın bu uğuru təbii ki, ölkəmizi sevməyə qüvvələri ciddi narahat etməyə bilməzdi və ona görə də təxribatlara əl atmağa başladılar”.



Bunu Modern.az-a açıqlamasında millət vəkili Ülvi Quliyev deyib.



Millət vəkili bildirib ki, dünya bütün gücünü pandemiya ilə mübarizə səfərbər etdiyi halda, Azərbaycanı sevməyən qüvvələr birləşərək ölkəmizə qarşı təxribatlara əl atdılar. “Bu qüvvələrin təxribat xarakterli hərəkəti nəticəsində Ermənistan tərəfindən işğal olunan Dağlıq Qarabağda “seçkilər” keçirildi. Bununla Azərbaycanın diqqətini əsas hədəfdən yayındıraraq təxribata cəlb etmək istədi. Ancaq onların bu niyyəti baş tutmadı. Əksinə Ermənistan öz qazdığı quyuya özləri düşdü. Belə ki, beynəlxalq aləm ermənilərin işğal olunmuş ərazilərdə keçirdiyi “seçkini” nəinki tanımadı, İrəvanı beynəlxalq hüquq prinsiplərini pozduğuna görə qınayan bəyanatlar verdilər”- millət vəkili qeyd edib.



Deputat əlavə edib ki, təbii olaraq hər zaman olduğu kimi bu dəfə də özlərini dünyada insan haqlarının, demokratiyanın çarçısı və müdafiəçisi olduğunu, işğalçılığa, terrora, dövlətlərin sərhədlərinin dəyişdirilməsinə qarşı olduqlarını bəyan edən Avropa Şurası Parlament Assambleyası (AŞPA) nədənsə Ermənistanın beynəlxalq hüququ kobud pozaraq işğalçılıq siyasətini davam etdirməsinə reaksiya vermədi: “Düzdür, biz zaman-zaman AŞPA-nın Azərbaycan qarşı qərəzinin və yürütdüyü ikili standarta əsaslanan siyasətinin şahidi olmuşuq. Biz bu dəfə AŞPA-nın bir daha faşist ideologiyasını, terroru, işğalçılıq siyasətini dövlət siyasəti elan edib, onu yürüdən Ermənistanın Azərbaycanın Dağlıq Qarabağ bölgəsində xunta rejimin keçirdiyi “seçki”lərə reaksiya vermədi və susqunluq nümayiş etdirdi. Bununla da AŞPA növbəti dəfə fəalyyətində bəyan etdiyi prinsipləri və dəyərləri sistemini özləri ayaqlar altına ataraq, öz imicini ciddi zərbələr altına qoymuş oldu. Hansı ki, 2001-ci ildə Azərbaycan və Ermənistan bu quruma üzv olanda Avropa Şurasının üzərinə götürdüyü öhdəliklərdən biri də Qarabağ münaqişənin sülh yolu ilə həllində öz töhfələrini vermək olub. Lakin keçən müddətdə Avropa Şurası bu istiqamətdə hər hansı ciddi addım atmayıb. Əksinə biz Avropa Şurasının Ermənistanın işğalçılıq siyasətinə dəstək verdiyinin və “isti” münasibətinin dəfələrlə şahidi olmuşuq.



Ermənistanda hakimiyyət dinc nümayişçilərə qarşı zor tətbiq edib, qətlə yetirsə də AŞPA susub. Ümumiyyətlə Avropa Şurası, Human Rights Watch və digər təşkilatlaırn dünyanın müxtəlif ölkələrinə fərqli münasibətlər sərgilədyinin şahidi olmuşuq. Necə ola bilər ki, son günlərdə ABŞ-da polis günahsız insanı qətlə yetirir və nəticədə başlayan etriaz aksiyasını güc yolu ilə yatırmaq üçün zor tətbiq edir.Nəticədə insanlar polis zorakılığının qurbanı olur, insanlar vəhşicəsinə döyülür, gözü çıxarılır, jurnalistlərin hüquqları kobud pozulur, onlara qarşı fiziki zor işlədilir, ancaq AŞPA, Human Rights Watch kimi təşkilatlar yenə də heç nə baş verməmiş kimi davranır və susur. Belə bir hadisə digər ölkədə və yaxud da Avropa Şurasının bəzi Avropa ölkələrinin maraqlarına cavab verməyən ölkədə baş versəydi, çoxdan insan haqlarının kobud pozulduğunu bayraq edib, həmin ölkəyə qarşı səlib yürüşünə çıxardı. Lakin ABŞ-a qarşı bunu etmir. Səbəb də sadədir. Qorxur! Bununla da Avropa Şurası üzərinə düşən missiyanı yerinə yetirə bilmədiyini, aciz olduğunu, müxtəlif güclərin əlində siyasi təzyiq vasitəsi olduğunu ortaya qoymaqla getdikcə nüfuzunu itirməkdədir. Əgər Avropa Şurası fəaliyyətində bəyan etdiyi prinsiplər istiqamətində ciddi dönüş etməzsə. O zaman yaxın gələcəkdə qurum öz əhəmiyyətini tamamilə itirmiş olacaq”.



Millət vəkili bildirib ki, cənab Prezident İlham Əliyevin həyata keçirdiyi uğurlu xarici siyasət nəticəsində beynəlxalq aləm Azərbaycanın haqq səsini eşidir və ədalətin onun tərəfində olduğunu qəbul edir: “Bunu qəbul etdikləri sənədlərdə də bəyan edirlər. Hələ dünyada elə bir beynəlxalq və regional təşkilat yoxdur ki, hətta Avropa Şurası belə Azərbaycanın ərazi bütövlüyün tanımasın və Qarabağ münaqişəsinin ölkəmizin suverenliyi çərçivəsində beynəlxalq hüquq prinsipləri əsasında həllini bəyan etməsin. Bununla paralel olaraq Azərbaycan ordusu günügündən güclənir və qüdrətlənir. Bu gün Azərbaycan ordusu işğal altında olan torpaqları işğaldan azad etməyə qadirdir. Sadəcə münasib zamanı gözləyir. Onsuz da son söz Azərbaycan ordusunundur. Müharibə isə bitməyib. Növbəti “Aprel döyüşləri” təkrarlanacaq və Azərbaycan ordusu son sözünü deyib, torpaqlarımızı qısa zamanda işğaldan azad edəcək”.