"Tibbi maska təminatı ilə bağlı heç bir qıtlıq yoxdur".

GununNebzi.az xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

TƏBİB sədri vurğulayıb ki, xarici ölkələr Azərbaycandan maska almaq üçün müraciət edib: "Qiymətlər müxtəlifdir və hər kəs öz büdcəsinə görə maska ala bilər. Hətta ev şəraitində qaydalara uyğun maska tikmək olar".

R.Bayramlı 190 manatlıq birdəfəlik ödəmənin yenidən verilməsinin gündəmdə olmadığını bildirib: "Bütün iş yerləri açılıb və həftəsonu qadağası bitdikdən sonra işlər yenidən açılacaq".