Ermənistan silahlı qüvvələrinin bu gecə saat 2 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binalarını raket atəşinə tutması nəticəsində 4-ü qadın olmaqla, 9 nəfər həlak olub. Bununla yanaşı, binaların altında bir neçə uşaq çıxarılıb, onlar müxtəlif ağır xəsarətlər alıblar.

GununNebzi.az xəbər verir ki, raket atəşi zamanı yaralanan azyaşlı Ömər Nəsirov Report-a daşın altında qaldığını deyib:

"Qorxdum. Bu mənim yadımdan çıxmayacaq".