ABŞ dövlət katibi Mayk Pompeo Tehrandan amerikalı Robert Levinsonun taleyi barədə məlumat verməyi tələb edib.

gununnebzi.az xəbər verir ki, bu barədə Pompeonun yaydığı xüsusi bəyanatda bildirilib.

“Dünən Robert Levinsonun ailəsi bütün dünyaya cəsarətlə Bobun İran həbsxanasında ölməsi barədə kədərli məlumat verdi. Yəqin ki, yalnız İran Bobun 13 il əvvəl tutulmasından bu yana başına nə gəldiyini bilir. Biz İran rejimini Bobun taleyi barədə tam hesabat təqdim etməyə çağırırıq. İranda ədalətsiz şəkildə saxlanılan bütün amerikalılar evlərinə dönənə qədər sakitləşməyəcəyik”, – deyə o bildirib.

Qeyd edək ki, Levinson Federal Təhqiqatlar Bürosunun keçmiş əməkdaşıdır. O, 2007-ci ildə İrana səfəri zamanı yoxa çıxıb. Sonralar mətbuatda Levinsonun İranda ABŞ Mərkəzi Kəşfiyyat İdarəsinə çalışdığı haqqında məlumatlar yayımlanıb. ABŞ isə Levinsonun MKİ-yə işlədiyi barədə bütün məlumatları təkzib edib.

İran hakimiyyəti dəfələrlə Levinsonu saxlamadığını və onun itməsində heç bir günahının olmadığını bildirib.