Belarus Prezidenti Aleksandr Lukaşenko Avropa İttifaqı (Aİ) ilə viza rejiminin sadələşdirilməsi və readmissiya haqqında sazişə dair müqaviləyə imza atıb.

“RİA Novosti” agentliyi xəbəri Belarus hökumətinin rəsmi mənbələrinə istinadən yayıb.

Layihə üzrə məsləhətləşmələr 2014-cü ildən aparılırdı.

Belarus ilə Aİ arasında imzalanan sənədə əsasən, vizaların verilməsi zamanı ödənilən rüsum 60 avrodan 35 avroya (65 manat) qədər azaldılacaq. Belarus vətəndaşlarının Aİ ölkələrində qalma müddəti isə iki dəfə artaraq, 180 gün təşkil edəcək.