Azərbaycan Respublikasının Qanununlarına və cənab Prezidentin fərman və sərəncamlarına uyğun olaraq ölkəmizdə aparılan siyasət ailələrin sosial təminatının yaxşılaşdırlmasına yönəlmişdir. Azərbaycan Respublikasının İpoteka və kredit Zəmanət Fondunun yaradılması, gənc ailələrə güzəştli ipoteka kreditinin, ailələrə güəştli sosial mənzillərin verilməsi də dövlətimizin əhaliyə verdiyi sosial dəstəyin bariz nümunələrindəndir. İpoteka və Kredit zəmanət Fondu Qafqaz regionunda ilk ipoteka bazarı fondu olmaqla yanaşı, MDB və digər ölkələrlə müqayisədə vətəndaş üçün ən əlverişli ipoteka kreditlərini tətbiq edir.

Belə ki, Fondun ipoteka üzrə minimal faiz dərəcəsi 3,7 %-dən başlayır, orta faiz dərəcəsi isə 6,4% təşkil edir. Müqayisə üçün, Rusiyada minimal faiz dərəcəsi 6,1%, orta faiz 8,9% təşkil edir, Qazaxstanda isə faiz dərəcələri 13%-dən başlayır. Fəaliyyət göstərdiyi dövr ərzində Fondun vəsaiti 29 minə yaxın ailə ipoteka krediti hesabına mənzil şəraitinin yaxşılaşdırılmasına nail olmuşdur. Hətta 2018-ci ildən etibarən Mənzil İnşaatı Dövlət Agentliyinin sərəncamında olan mənzillərin təxminən 70%-nin satışı Fondun xətti ilə güzəştli ipoteka krediti vasitəsilə həyata keçirilmiş və vətəndaşlara daha operativ, səmərəli və şəffaf xidmət göstərilməsini təmin etmək üçün sənədlərin qəbulu ASAN Xidmət Mərkəzlərinə verilmişdir. Bütün bunlar görülən uğurlu işlərdir. Ancaq yaxşı olardı ki, Güzəştli ipoteka kreditlərinin verilməsi şərtlərinin çoxuşaqlı ailələrə də şamil olunsun. Digər bir tərəfdən fikrimcə, cənab Prezidentin müvafiq sərəncamı ilə inşa olunan yeni sosial evlərə güzəştli ipoteka kreditlərinin verilməsini gənc həkim və müəllimlərə də şamil olunması nəzərə alınmalıdır. Əgər belə olarsa həmin kateqoriyadan olan gənc ailələrin sosial yaşayışı üçün əhəmiyyətli olar həm də gəncləri bu peşələrə həvəsləndirər. Bu məsələni Milli Məclin iclaslarında dəfələrlə qaldırmışam. Yaxşı olar ki, yaxın gələcəkdə bu məsələ müvafiq qanunvericilik aktlarında da öz əksini tapsın.