“Bu ilin sonuna qədər ölkədə elan edilən karantin rejimi davam edəcək”.

Bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

O qeyd edib ki, xüsusi karantin rejimi dövrü və gələcəkdə karantin rejimi adlandıracağımız dövr var:

“Ola bilsin ki, xüsusi karantin rejimindən tez çıxdıq. Bizim tibbi imkanlarımız, maddi-texniki imkanlarımız xəstələrin vaxtında aşkar olunmasına və müalicəsinə adekvatdır”.

“Karantin rejiminin sərtləşdirilməsi və yumşaldılma prosesi vətəndaşların sosial məsuliyyətindən asılı olacaq”, - deyə sədr bildirib.